Алматы қаласының тұрғыны ата-анасын іздеуге көмектескен солтүстікқазақстандық полицейлерге алғыс айтты

Солтүстік Қазақстан облысының полициясына Алматы қаласында тұратын әйел хабарласып, қарт ата-анасын іздеуге көмектесуді сұраған, деп хабарлайды QZ Media тілшісі.

СҚО-да тұратын ата-анасы оның қоңырауларына бір тәулік бойы жауап бермеген. Олар жидек пен саңырауқұлақ теру үшін орманға кетуі мүмкін деген ой келген. Туыстарға хабарласудан да ештеңе шықпаған. СҚО ПД криминалдық полиция басқармасының жедел уәкілдері ерлі-зайыптылар мінген автокөліктің Қызылжар ауданының Якорь ауылы бағытында кеткенін анықтады. Іздеу жұмыстарына аудандық, қалалық жедел уәкілдер, учаскелік полиция инспекторлары мен еріктілер де қосылды.

Қуанышқа орай, Соколовка ауылында ата-анасының таныстары тұратын болып шықты. Олар алматылық әйелдің ата-анасы Ресейдің көрші Ишим қаласына кеткенін айтты. Бұны шекара қызметінің қызметкерлері растады. Бұл туралы бірден қыздарына хабарланды. Ол қуаныштан полицейлерге алғысын жаудырды.

“Мен полицейлерге жүгінгеннен кейін маған бірнеше қызметкер хабарласты. 5-6 сағат бойы менімен байланыста болды. Мәліметтер жинады. Полиция қызметкерлері ата-анамның басқа мемлекетке отбасылық іс-шараға кеткенін айтты. Іздеу жұмыстарын жүргізгендері және осы жағдай қуанышты аяқталғаны үшін шын жүректен ризашылығымды білдіремін. Құқық қорғау органдарында көмектесуге дайын осындай адамдардың қызмет атқарып жүргені қуантады”, – дейді Алматы тұрғыны.