Бір тәулікте екі ЖКО: “Жезқазған-Петропавл” тас жолында тағы бір апат орын алды

23 қаңтар күні Солтүстік Қазақстан облысында тағы бір апат тіркелді. Полицияның мәліметінше, кешкі 20:50 шамасында “Жезқазған-Петропавл” автожолының 880 шақырымында “Lexus RX 300” және “Toyota Alphard” автокөліктері соқтығысқан, деп хабарлайды QZ Мedia тілшісі.

СҚО ПД баспасөз қызметі хабарлағандай, зардап шеккендер жоқ, автокөліктерге механикалық зақым келген. ЖКО фактісі бойынша ҚР ӘҚБтК 610-бабының 1-бөлігі аясында әкімшілік материал жиналды.

Естеріңізге сала кетейік, алғашқы ЖКО 23 қаңтар күні Қызылжар ауданында 16:00 шамасында болды. Салдарынан “Peugeot” және “Toyota Camry” автокөліктерінің 2 жолаушысы оқиға орнында дене жарақатынан қайтыс болды. 4 адам медициналық мекемелерге жеткізілді.