Есіл ауданында орналасқан Петровка ауылындағы шеткі үйлердің тұрғындары көшірілді

Су тасқынын бірінші болып қабылдаған СҚО аудандарында жағдай тұрақтануда. Петропавл қаласы мен Есіл өзені бойындағы Сергеев су қоймасынан төмен орналасқан ауылдарға қауіп төніп тұр. Жергілікті атқарушы органдар, полицейлер мен құтқарушылар қиындықтарға төтеп беруге дайын. Салдарын азайту үшін эвакуациялау шаралары алдын-ала жүргізілуде, деп хабарлайды QZ Media тілшісі.

Есіл ауданында Петровка ауылындағы шеткі үйлердің тұрғындары әкетілді. Жергілікті тұрғындар эвакуациялауға жәрдемдесті — шаруашылықты, малды, жиналған жемді құтқаруға көмектесті. Жалпы қолдаумен іс-шаралар қысқа мерзімде жүзеге асты. Тұрғындар қалдырған үйлерді полиция күзететін болады.

Покровка ауылына судың тез кіруі күтпеген жағдай емес. Қазіргі уақытта Береговая көшесінен 24 шеткі үйдің тұрғындары шығарылды.

Қызылжар ауданында да осы сағаттарда Семипалатное ауылында алдын ала эвакуациялау жұмыстары жүргізілуде. Мүдделі қызметтер жағдайды бақылауда және адамдарды су тасқыны қаупінен қорғау бойынша жедел іс-қимылдарға дайын.