Ғауез Нұрмұхамбетов Тайынша ауданында тасқынмен күрес жұмыстарын тексерді
Аймақ басшысы Ғауез Нұрмұхамбетов Тайынша ауданының орталығы, Теңдік, Донецкое және Летовочное ауылдарындағы тасқынмен күреске арналған жұмыстарды тексерді. Қазір бұл ауданда жағдай күрделі. Қар көлемі әлі де көп және тез еруде, деп хабарлайды QZ Media тілшісі.
Үлкен сумен күрес үшін қаптар мен инертті материалдар дайындалып, нығайту жұмыстары жүргізілуде. Өңір басшысы құтқарушылар мен еріктілермен кездесіп, жауапты кезеңде ауыр еңбек үшін алғысын білдірді.
“Адамдардың қауіпсіздігі мен олардың мүліктерін сақтау – барлық жауапты мемлекеттік органдардың басты міндеті”, – деп жазды облыс әкімі әлеуметтік желіде.
