Петропавлда жеке үйдегі өртке қуаттау құрылғысы себеп болды

Петропавл қаласындағы “Солнечный-2” шағын ауданында жеке тұрғын үйде өрт шықты, деп хабарлайды QZ News.

Солтүстік Қазақстан облысы Төтенше жағдайлар департаментінің мәліметінше, жалын 15 шаршы метр аумақты қамтыған. Төбе жабындысы, жиһаз бен жеке заттар зақымданған.

«Өрт жылдам сөндірілді, зардап шеккендер жоқ. Өрттің себебі – телефон зарядтау құрылғысының қысқа тұйықталуы. Гаджеттерді қараусыз қуаттауға қалдырмаңыз, тек жарамды және сертификатталған құрылғыларды қолданыңыз», – деп хабарлады ведомство.