Польша мен Малайзиядан келген профессорлар СҚО педагогтарына тәжірибелерімен бөлісуде

ҚР Ғылым және жоғары білім министрлігінің еліміздің жоғары оқу орындарына шетелдік ғалымдарды тарту жобасы аясында Қозыбаев университетіне Польша мен Малайзиядан профессорлар келді, деп хабарлайды QZ News тілшісі ЖОО-ның баспасөз қызметіне сілтеме жасап.

Нурлияна Абдулла Лили және Фатима Сиди – Малайзиядағы Путра университетінің PhD докторлары. Бұл университет 17 факультет пен 9 ғылыми-зерттеу институтының базасында инженерия, медицина ғылымдары, экономика, менеджмент, білім беру, тілдер және коммуникация саласында білім береді. Қозыбаев университетінде олар инженерия және сандық технологиялар факультетінің педагогтары үшін біліктілікті арттыру курсын өткізді.

«Малайзия университеттерінің өкілдері бізге жиі келмейді. Сондықтан, біз үшін одан әрі серіктестік, оның ішінде ғылым саласындағы ынтымақтастық маңызды. Қызықты болады деген ойдамын»,- деп атап өтті Басқарма Төрағасы-Ректор Ербол Исақаев.

Польшадағы жаратылыстану ғылымдары университетінің профессоры Чубак Вавжинец Экономика, есеп және қаржы кафедрасына ынтымақтастық құру үшін келді. Ол Польшадағы дуальды білім беруді қалыптастыру және дамыту бойынша тәжірибесімен бөлісті.

Қозыбаев университетінде шетелдік ғалымдар 4 апта болады. Осы уақыт ішінде бірқатар бірлескен конференциялар мен семинарлар өткізу, сондай-ақ одан әрі ынтымақтастықтың бағыттарын белгілеу жоспарлануда