Қозыбаев университеті Asia 2025 рейтингі бойынша 35 үздік қазақстандық ЖОО қатарына енді

QS рейтингтік агенттігі QS World University Rankings: Asia 2025 рейтингінің нәтижелерін жариялады. Биыл оған 25 елден 984 университет, оның ішінде Қазақстанның 35 жоғары оқу орны кірді, деп хабарлайды QZ News тілшісі.

QS World University Rankings: Asia 2025 мәліметтері бойынша, өткен жылмен салыстырғанда 22 қазақстандық жоғары оқу орны өз беделін жақсартты. Солардың бірі М.Қозыбаев атындағы университет.

QS Asia University Rankings рейтингін жасау үшін үздік университеттердің қызметін объективті және толық сипаттайтын 11 көрсеткіш пайдаланылады. Айтып өткен жөн, QS агенттігінің рейтингтері әлем бойынша ықпалды деп танылады.

“Біз академиялық тұрғыдан және жұмыс берушілердің беделін, жарияланым белсенділігі бойынша көрсеткіштерімізді арттырдық. Қозыбаев университетінің қызметкерлер мен оқытушылар құрамының рейтингтік позицияларын жақсартуға қосқан маңызды үлесін атап өткім келеді, бұл олардың жоғары білім жүйесінің барлық аспектілерін қамтитын, үйлесімді жұмысының нәтижесі болды”,- делінген ЖОО-ның хабарламасында.