Солтүстік Қазақстан облысында қар құрсауынан 8 адам құтқарылды

Төтенше жағдайлар министрлігінің жаңа техникасын пайдаланған құтқарушылар бірден екі құтқару операциясын сәтті орындады, деп хабарлайды QZ News тілшісі.

Солтүстік Қазақстан облысы Төтенше жағдайлар департаментінің мәліметінше, ауа райының нашарлауы мен қалың қардың салдарынан көліктер жолда жүре алмай, жүргізушілер құтқарушыларға жүгінуге мәжбүр болған.

Бірінші жағдайда, Уәлиханов ауданында жолаушылар көлігі жол жиегіне шығып кетіп, дала жолында қар құрсауында қалып қойған. Салонда бес адам болған. Екіншісінде, Есіл ауданында көлік жүргізушісі рульді басқара алмай, жолдан шығып кеткен. Бұл жолы құтқарушылар көлікті троспен шығарып, ішіндегі үш адамды аман алып қалды.