Солтүстік Қазақстан облысының бес мұғалімі «Педагогикалық идеялар панорамасы» республикалық байқауының жеңімпазы атанды

Республикалық байқау жеңімпаздарының есімдері белгілі болды  «Педагогикалық идеялар панорамасы» байқауында Солтүстік Қазақстан облысының мұғалімдері жүлделі орындарға ие болды, деп хабарлайды QZ News тілшісі.

Бірінші орынды No17 ұлтық өркендеу орта мектеп кешенінің мұғалімі Елена Мақажанова жеңіп алды. Байқаудың «күміс» жүлдесін Заградов орта мектебінің мұғалімі Алена Лос пен Қарақоға орта мектебінің мұғалімі Мұрат Ортамышев иеленді.

Үшінші орынды Әбу Досмұхамбетов атындағы облыстық дарынды балаларға мамандандырылған мектеп-интернатының мұғаліміЖадыра Қаржауова және және Бірінші қалалық жалпы білім беретін IT лицейінің мұғалімі Сергей Никулин иеленді.

Естеріңізге сала кетейік, байқауға облыстағы білім беру ұйымдарынан 83 мұғалім қатысты. Бұл мектеп әкімшілігінің өкілдері, педагогтар, балабақша тәрбиешілері, психологтар, логопедтер, әлеуметтік педагогтар, дефектологтар, педагог қызметкерлер мен қосымша білім беру әдіскерлері, оқу-әдістемелік орталықтардың мамандары. Байқау жеңімпаздары 2025 жылдың қаңтар айында Алматы қаласында өтетін республикалық кезеңде Солтүстік Қазақстан облысының атынан қатысады.