СҚО әкімі Большая Малышка ауылына барды

Қызылжар ауданына қарасты Ольшанка, Большая Малышка, Вагулино, Барневка және Соколовка ауылдарында, яғни Есіл өзенінің бойымен Петропавл су қоймасынан төмен орналасқан елді мекендерде су тасқынының үшінші толқыны байқалуда, деп хабарлайды QZ News.

Большая Малышка ауылында елді мекенді қорғау мақсатында қорғаныс үйіндісін нығайту жұмыстары жүргізілуде, бұл жұмыстарды СҚО әкімі Ғауез Нұрмұхамбетов барып тексерді.

Қазіргі уақытта үйлерді су басуға жол берілген жоқ, эвакуация жұмыстары жүргізілді. Оқиға орнына шамамен 500 адам мен 67 техника тартылған. Нығайту жұмыстары Ольшанка, Вагулино және Соколовка ауылдарында да жалғасуда.

Барлық қызметтер тұрғындардың қауіпсіздігін қамтамасыз ету және су тасқынының салдарын азайту үшін күшейтілген режимде жұмыс істеуде.