СҚО-да үш балықшыны ТЖД қызметкерлері құтқарды

СҚО Есіл ауданы Корнеевка ауылынан 3 шақырым жерде орналасқан Үлкен Тараңғұл көлінде су тасқынының алдын алу шаралары бойынша рейд жүргізу барысында ТЖД қызметкерлері балшыққа батып қалған екі көлікті анықтады, деп хабарлайды QZ News.

Құтқарушылар жол талғамайтын арнайы техника көмегімен көліктерді батпақтан шұғыл шығарып, азаматтардың қауіпсіздігін қамтамасыз етті. Автокөліктерде болған үш балықшыға медициналық көмек қажет болмады.

«ТЖМ еске салады: жаңбыр мен еріген қар суы топырақты жолдарды, егістік алқаптарын және қарапайым ауладағы үй алдын да нағыз тұзаққа айналдыруы мүмкін. Абай болыңыздар!» – делінген хабарламада.