Жұмыс аптасының алғашқы күндері Солтүстік Қазақстанда қандай ауа райы күтіледі

23 желтоқсанда Петропавлда күн бұлтты болады, қар жауып, сырғыма жүреді, ауа температурасы -2-4 °C, деп хабарлайды QZ News тілшісі.

СҚО бойынша «Қазгидромет» РМК мамандарының мәліметінше, 24 және 25 желтоқсанда облыс орталығында көшпелі бұлт шығады. Термометр көрсеткіштері -5-7 °C көрсетеді. Сәрсенбі күні ауа температурасы -7-9 °C дейін төмендейді.

Дүйсенбі күні облыстың оңтүстігі мен батысында сырғыма жүреді, көктайғақ болады, термометр көрсеткіштері-2-7°С. 24 желтоқсанда облыстың солтүстігі мен шығысында аздаған қар жауады, сырғыма жүреді деп күтіледі, сынап бағанасы -5-10 °C төмендейді.

25 желтоқсанда Солтүстік Қазақстан облысында күн ашық болады. Термометр көрсеткіштері -7-12 °C көрсетеді.