Петропавлда өткен Қазақстан Республикасының чемпионатында үздік кикбоксшылар анықталды

Петропавлда спорт шебері Азамат Нұрпейісовті еске алуға арналған «Қызылжар» халықаралық турнирі аясында ерлер мен әйелдер арасында Қазақстан чемпионаты өтті, деп хабарлайды QZ News тілшісі.

Спорттық жарысқа Қазақстанның 18 облысынан 245 спортшы қатысты. Солтүстік Қазақстан облысының атынан 28 кикбоксшы өнер көрсетті, оның ішінде төртеуі облыстық полиция департаментінің жедел әрекет ету арнайы жасағының мүшесі.

86 келі салмақ дәрежесінде Ибрагим Беков алтын медальді жеңіп алды (фулл контакт). Күміс жүлдегерлер Айдархан Кайруллин (81 кг, К1), Әл-Бухарий Ирисметов (75 кг К1), Татьяна Захарова (+70 кг К1).