27 жасында қазақтан шыққан олимпиада чемпионы Мұхамбет Қуатбек қайтыс болды

Қазақстандық балуан, Олимпиада чемпионы Мұхамбет Қуатбек 27 жасында қайтыс болды, деп хабарлайды QZ Мedia тілшісі “NewTimes.kz” АА-ға сілтеме жасап.

Бұл туралы Вas Sport спорт айдары жазды. Алайда балуанның өлімінің себебі әлі белгісіз. Жас спортшы АҚШ-та қайтыс болғаны белгілі болып отыр. Марқұмның денесін елге жеткізу қажет. Сондай-ақ, Қазақстан күрес федерациясы спортшының қаза тапқаны туралы ақпаратпен бөлісіп, марқұм жайлы мұрағаттық видео жариялады.

Мұхамбет Қуатбек – қазақстандық еркін күрес шебері, ол 2014 жылы өткен Жасөспірімдер олимпиадасында 54 келіге дейінгі салмақ дәрежесінде топ жарды. Сол жылы Мұхамбет жасөспірімдер арасында өткен Әлем чемпионатында 58 келіге дейінгі салмақ дәрежесінде қола жүлдегері атанды.

2016 жылы жасөспірімдер арасында өткен Азия чемпионатында 55 келіге дейінгі салмақ дәрежесінде қола жүлдегері атанды. Ал 2017 жылы жасөспірімдер арасында өткен Азия чемпионатында күміс жүлде иеленді. 55 келіге дейінгі салмақ дәрежесінде белдескен спортшы финалда өзбекстандық Джахонгирмирза Туробовтан жеңілді.