28 жастағы Петропавл тұрғыны есірткіні заңсыз пайдаланғаны үшін 130 мың теңге айыппұл арқалады

Шілде айында полиция департаментінің қызметкерлері “Қарасора” жедел-профилактикалық іс-шарасын өткізу кезінде иісшіл иттің көмегімен Петропавл қаласының 28 жастағы тұрғынын ұстады. Тінту кезінде одан жағымсыз иісі бар өсімдік тәрізді зат тәркіленді, деп хабарлайды QZ Media тілшісі СҚО ПД-ға сілтеме жасап.

Сараптама нәтижесінде ол зат марихуана болып шықты. Петропавлдық есірткіні Алматыдан Петропавлға жолаушылар пойызы арқылы тасымалдаған. Аталған фактіге қатысты ҚР ҚК 296-бабы 2-бөлігі «Есірткі, психотроптық заттармен, сол тектестермен өткізу мақсатынсыз заңсыз жұмыс істеу» бойынша сотқа дейінгі тергеу жүргізілді. Тамыз айында Петропавл қалалық сотының шешімімен құқық бұзушыға үкім шығарылды: ол 130 мың теңге көлемінде айыппұл арқалады.

«Жыл басынан бері желілік полиция бөлімінің қызметкерлері 228 есірткі қылмысын анықтады, оның 21-і – сату және 21-і – аса ірі көлемде сақтау. Заңсыз айналымнан 366 келіден астам түрлі есірткі заты тәркіленді», – деп толықтырды ведомства.