“Екінші толқын бірінші толқыннан аспайды”, – деп құтқарушылар пікір білдірді

Қызылжар ауданы мен Петропавлда 3 мыңнан астам тұрғын үй су астында қалып отыр. 14 мыңнан астам адам эвакуацияланды, деп хабарлайды QZ Мedia тілшісі.

Қазір Сергеев су қоймасындағы көрсеткіш 2 метр 78 см құрайды. Өткен тәулік ішінде Петропавл су торабында 27 см төмендеу байқалды. Прибрежное, Элитное, Боголюбово, Приишимка ауылдарында да су деңгейі азайды.

“Егер кеше таңертең “Оңтүстік” ӨП-де судың биіктігі шамамен 70 см болса, қазір деңгей 30 см құрайды. Ойқала ауданында, Тепличное, Прибрежное ауылдарында қалған халыққа өткел бар. Қажетті заттар жеткізіледі. Онда қажетті тауарларды тасымалдау үшін понтондық көпір орнатылады. “Қызылжар су” маңында да электрмен жабдықтау мәселелерін шешу үшін понтондық көпір орнатылды. Екінші толқын бірінші толқыннан аспайды деп ойлаймыз”, – деді СҚО ТЖД азаматтық қорғаныс басқармасының бастығы Кирилл Иванников.