Ғ.Мүсірепов ауданында 11 жастағы баланы 4 сағат іздеді

Полицейлер Ғ.Мүсірепов атындағы ауданда жоғалған 11 жастағы баланың жүрген жерін анықтау үшін ауқымды іздестіру шараларын ұйымдастырды, деп хабарлайды, деп хабарлайды QZ Media тілшісі.

Ата-анасы жасөспірімнің жоғалғаны туралы 7 қаңтар күні сағат 19:30 шамасында хабарлаған. Олардың айтуынша, ер бала қоқыс лақтыруға шығып, үйге оралмаған. Іздеу жұмыстарына полицияның барлық сыртқы бөліністегі қызметкері қатысты. Бұдан бөлек, аудандық төтенше жағдайлар бөлімінің қызметкерлері, ұстаздар мен жұртшылық жұмылдырылды.

Полицейлерге “Lider.kz” волонтерлар ұйымының өкілдері көмекке келді. Олар жоғалған бала туралы ақпаратты әлеуметтік желілерде таратты. Бұл жағдайды естіген көптеген жергілікті тұрғын көмектерін ұсынды. Іздеуге 11-сынып оқушысы Илья Шенедрук, Түмен индустриалдық университетінің студенті Александр Подольский мен 20 жастағы электромонтёр Артур Гарбар да қатысты.

Олар көппәтерлі үйлердің кіреберістерін, жертөлелері мен шатырларын тексерді. Түнгі сағат 00:00 шамасында олар баланы үйлердің бірінің кіреберісінен тапты. Ол дереу үйіне жеткізілді. Полицейлер оның ата-анасымен мұндай жәйттерді болдырмау бойынша профилактикалық әңгіме жүргізілді.

СҚО ПД криминалдық полиция басқармасының ақпаратынша, 2023 жылы адамдардың жоғалуына қатысты 477 арыз келіп түскен. Бүгінгі таңда 475 адамның жүрген жері анықталып отыр.