Ғауез Нұрмұхамбетов жылу желісі зақымданған учаскеде болды

Аймақ басшысы облыс орталығындағы жылу желісінің зақымданған учаскесінде болды, деп хабарлайды QZ Media тілшісі.

“Қазір «Петропавл жылу желілері» ЖШС жөндеу бригадасы тиісті жұмыстарды жүргізіп жатыр. Мамандар жөндеу жұмыстарын қысқа мерзімде аяқтауды жоспарлап отыр. Бұл мәселе менің жеке бақылауымда”, – деп жазды облыс әкімі Ғауез Нұрмұхамбетов әлеуметтік желіде.

“Петропавл жылу желілері” ЖШС бас директорының м.а. Виталий Холошаның айтуынша, Н. Назарбаев көшесі, 154 және Казахстанская правда көшесі, 118 тұрғын үйлері орналасқан ауданда 200 мм жылу желісінің технологиялық бұзылуы орын алды.

“20-дан астам үй жылудан ажыратылды. Бірақ, бұл жалпы қаладағы жылумен жабдықтау режиміне әсер еткен жоқ. Зақымдануды жоюға және бұрынғы жұмыс режиміне келуге шамамен 1,5-2 сағат қажет”, – деді Виталий Холоша.