Грек-рим күресінен әлем чемпионы Аманғали Бекболатов Петропавлға оралды
Құшақ-құшақ гүл, қолдау сөздері жазылған плакаттар, жағымды тілектер мен құлақ тұнар қошемет. Мұның барлығы солтүстікқазақстандық Аманғали Бекболатовқа арналды. Теріскейліктер грек-рим күресінен әлем чемпионын теміржол вокзалынан сән-салтанатпен қарсы алды, деп хабарлайды QZ Media тілшісі.
Қызылжар ауданы Бескөл ауылының тумасы Аманғали Бекболатов әскерилер арасында өткен әлем чемпионатында 55 келі салмақ дәрежесінде үздік атанды. Жаһандық жарыс 27 қараша мен 3 желтоқсан аралығында Бакуде өтті. Бұл додада жауырыны жерге тимеген жерлесіміз бірнеше азулы қарсыласын ұтты.
Чемпионды лайықты жеңісімен құттықтаймыз және оған алдағы жарыстарда сәттілік тілейміз!