Халықаралық жарыстарда жоғары нәтижелер көрсеткен СҚО спортшыларына автокөліктің, пәтер кілттері мен ақшалай сертификаттар табысталды

Облыс орталығының орталық алаңында халықаралық жарыстарда жоғары нәтижелерге жеткен спортшыларды марапаттау рәсімі өтті. СҚО дене шынықтыру және спорт басқармасының баспасөз қызметінің хабарлауынша, өңір басшысы Ғауез Нұрмұхамбетов оларға сертификаттар мен сыйлықтар табыстады, деп хабарлайды QZ News.

Ербол Хамитов – парабиатлоннан (men sitting) әлем кубогында Үлкен хрусталь глобусты жеңіп алған алғашқы қазақстандық параатлет. Оған жаңа автокөліктің кілті табысталды

Александр Герлиц – парабиатлоннан әлем кубогы кезеңінің күміс жүлдегері, әлемдік рейтингтің үздік ондығына енді (men standing). Ол ақшалай сертификатпен марапатталды.

«Мейіржан Берекетов – қазақ күресінен әлем чемпионы. Ол пәтердің кілтін алды. Наталья Богданова – Сербияда өткен бокстан әлем чемпионатының қола жүлдегері. Ақшалай сертификатқа ие болды. Надежда Морозова – командалық спринт бойынша Азия ойындарының қола жүлдегері. Ол да ақшалай сертификатпен марапатталды», – деп хабарлады СҚО дене шынықтыру және спорт басқармасы.