Хэллоуин: қалай пайда болды және қашан тойланады

31 қазаннан 1 қарашаға қараған түні көптеген елдерде Хэллоуин атап өтіледі. Бұл – Қазақстанда түрлі пікір тудыратын мереке. Осыдан екі жыл бұрын біздің елімізде Хэллоуинге тыйым салу туралы үндеулер пайда болды, осы мақсатта желіде петиция да жарияланды. Алайда, түбегейлі шешім қабылданған жоқ, деп хабарлайды QZ News тілшісі.

Хэллоуинді мерекелеу дәстүрі ТМД елдеріне, соның ішінде Қазақстанға бұқаралық мәдениеттің таралуына байланысты келді. Американың танымал фильмдері бұл бағытта өз әсерін тигізді.

Егер Хэллоуин тарихына тереңірек тоқталатын болсақ, интернет кеңістігінде бұл туралы мақалалар өте көп, соған сүйенсек, мереке қазіргі Ұлыбритания мен Солтүстік Ирландиядан бастау алған. Хэллоуинде өлгендерді тыныштандыру үшін жоралғы өткізу керек деп ұйғарылады.

Іс жүзінде күзгі мереке кейбір адамдар арасында басқа да себептермен аса танымал. Хэллоуинде ойын-сауық мекемелерінде костюмді кештер ұйымдастырылады, кейде үздік дайындалған жанға сыйлықтар беріледі. Ал кофеканалар мен кондитерлік орындарда мерекеге орай тақырыптық сусындар мен десерттер дайындалады.