Кәсіби шеберлік чемпионатында М.Жұмабаев ауданының тұрғыны Вадим Витковских алтын медальға ие болды

М.Жұмабаев ауданының әкімі Рахат Смағұлов кәсіптік оқыту және сервис колледжінің түлегі, осы оқу орнының өндірістік оқыту шебері Вадим Витковскихті WorldSkills Kazakhstan – 2024 республикалық чемпионатындағы жеңісімен құттықтады, деп хабарлайды QZ News  тілшісі.

Бұл мәртебелі байқауға еліміздің түкпір-түкпірінен жұмысшы мамандықтарының үздік өкілдері жиналды.

«Дәнекерлеу технологиялары» номинациясында алтын медаль жеңіп алған Вадим Витковский абсолютті чемпион атанды. Оның керемет кәсібилігі мен табандылығы оған тұғырдың ең биік сатысына көтеріліп қана қоймай, келесі жылы өтетін «World Skills International» чемпионатында Қазақстан атынан шығу құқығын жеңіп алуға мүмкіндік берді. Бұл үлкен мәртебе және жауапкершілік, біз Вадим халықаралық аренада елімізді лайықты танытатынына сенімдіміз», – деп жазды Рахат Смағұлов өзінің Facebook парақшасында.