Криптовалюта, кірісті жасыру, өнімнің заңсыз айналымы: СҚО Экономикалық тергеу департаментінің қызметкерлері көлеңкелі экономикамен күрес туралы айтты

Биыл Солтүстік Қазақстан облысы бойынша Экономикалық тергеу департаментімен «көлеңкелі» экономика саласында 40 қылмыс пен құқық бұзушылық тіркеліп, олардың басым бөлігі сотқа жолданды. Бұл туралы Өңірлік коммуникациялар қызметінің алаңында өткен баспасөз мәслихатында ведомство басшысының орынбасары Самат Шәрішев айтты, деп хабарлайды QZ News тілшісі.

«Өтелген шығын көлемі 1 млрд теңгеден астам болды, оның 700 млн теңгеден астамы «нақты ақшамен» өтелді. Көлеңкелі экономиканың ең ауыр зардаптарының бірі салық салудан түсетін кірістерді жасыру болып табылады. Бұл салық түсімдерінің азаюына алып келеді, бұл әлеуметтік бағдарламалар мен инфрақұрылымды қаржыландыруға кері әсерін тигізеді. Салық төлеуден жалтарудың 3 фактісі анықталып, оның 2-і бойынша, 500 миллион теңгеге жуық шығын қайтарылды», – деді Солтүстік Қазақстан облысы бойынша экономикалық тергеу басқармасы басшысының орынбасары Самат Шәрішев.

Басқарма биылғы жылы заңсыз кәсіпкерлік фактілері бойынша 4 сотқа дейінгі тергеу жүргізілгенін айтты. Бұл негізінен акцизделетін өнімдердің заңсыз айналымына қатысты қылмыстық істер. Заңсыз айналымнан 136 мың қораптан астам темекі өнімдері мен 1000 литрден астам суррогат спирті тәркіленді. СҚО ЭТД қызметкерлерінің басты назарында криптовалютаға қатысты құқық бұзушылықтар.

«Осылайша, жеке тұлғалардың цифрлық активтерді айналымға түсіретін заңсыз кәсіпкерлік қызметті жүзеге асыру фактісі бойынша сот үкімі шығарылып, шамамен 400 миллион теңгенің мүлкі мен криптоактивтері мемлекет пайдасына тәркіленді», – деді Самат. Шаришев.