Мереке күндері СҚО полицейлері 7 жеке мүлікті ұрлау және 7 алаяқтық фактілерін анықтады
Мереке күндері тыныштықты бұзусыз өткен жоқ – 31 желтоқсан мен 4 қаңтарды қоса алғанда, осындай 31 қоңырау тіркелді. Сондай-ақ, тәртіп сақшылары отбасылық жанжал мен төбелеске қатысты 62 қоңырауға жауап берді, деп хабарлайды QZ News тілшісі.
«102» жедел арнасына 5 күн ішінде барлығы 1880 қоңырау түсті. 7 жеке мүлікті ұрлау және осыншама алаяқтық фактілері тіркелді. Петропавл қалалық ПБ жедел басқару орталығының бейнебақылау орталығының инспекторлары күшейтілген режимде жұмыс істеді.
Мереке күндері олар 181 әкімшілік құқық бұзушылықты анықтады. Оның үштен екісі – 124 факті – жол ережесін бұзу. Демалыс күндері қала көшелерінде 38 түрлі оқиға орын алған. Полиция жүргізушілерді ауа температурасының өзгеруіне байланысты жолда абай болуға шақырады.