Петропавл электротехникалық зауытында маман тапшы

«Alageum Electric» компаниясының Петропавл электр зауыты 2021 жылы ашылды. Компанияда 200-ге жуық адам жұмыс істейді, олардың жартысына жуығы еліміздің басқа өңірлерінен қоныс аударғандар, деп хабарлайды QZ News тілшісі.

Биыл зауыт жалпы құны 11 млрд теңгенің өнімін шығаруды жоспарлап отыр. Өнімнің басым бөлігі ТМД елдеріне экспортталады. Кәсіпорында трансформатор құрастырушы, автоматты желі операторы, сырлаушы, трансформатор орамдарын ораушы, электр дәнекерлеуші мамандары тапшы.

Зауыт мамандарын даярлау және қайта даярлаудан «Кентау трансформатор зауыты» АҚ базасында 3 ай ішінде жүзеге асырылады. Бұл кезеңде жұмысшылардың жалақысы айына 100 мың теңгені құрайды. Петропавл электротехникалық зауытындағы орташа жалақы 400 – 500 мың теңге. Компания өз мамандарын баспанамен қамтамасыз етеді.