Петропавл қаласының әкімдігі Жаңа жылға арналған іс-шараларды жариялады

Петропавл қаласының әкімдігі Instagram желісіндегі ресми парақшасында Жаңа 2025 жылды тойлауға арналған іс-шаралар жоспарын жариялады, деп хабарлайды QZ News тілшісі.

24 желтоқсан күні сағат 19:00-де облыс орталығының бас алаңында жаңа жылдық шыршаның жағылуы және мерекелік отшашу болады. Ал 25 желтоқсан күні сағат 19:00-де орталық алаңда шырша жағылуын тамашалай аласыздар.
27 желтоқсан күні сағат 17:00-де Петропавл қаласының тұрғындары мен қонақтары үшін Пестрое көлінде «Төрлет, жаңа жыл!» атты концерт өтеді.
28 желтоқсанда сағ 17:00-де өнерпаздар Жеңіс саябағында «Жарылқа, Жаңа 2025!» концертін ұсынады.
«Бірлік» және «Береке» шағынаудандарының тұрғындары мерекелік тосын сыйлардан құр қалмайды. Онда концерттік бағдарламалар 29 және 30 желтоқсанда сағат 17:00-де өтеді.
28 желтоқсан күні сағат 15:00-де Назарбаев көшесі 339в үй ауласында «Жаңа жылды бірге қарсы аламыз!» ойын-сауық бағдарламасы ұйымдастырылады. Подгора шағын ауданының тұрғындарынна мерекелік концерт 29 желтоқсан күні сағат 15:00-де өтеді.
31 желтоқсанда сағат 17:00-ден 19:00-ге дейін облыс орталығының бас алаңында «Қош келді, Жаңа жыл!» атты мерекелік жаңажылдық бағдарлама өтеді.