Петропавл қаласының прокуроры ауысты

Бас Прокурордың 2024 жылғы 29 қаңтардағы бұйрығымен Тыныбек Әнуарбекұлы Сапаров Петропавл қаласының прокуроры лауазымына тағайындалды, деп хабарлайды QZ Media тілшісі.

Сапаров Тыныбек Әнуарбекұлы прокуратура органдарындағы еңбек жолын 2009 жылы Петропавл қаласы прокурорының көмекшісінен бастаған.

2010 жылдан бастап 2019 жылдар аралығында Солтүстік Қазақстан облысы Айыртау ауданы прокурорының көмекшісі, Тайынша ауданы прокурорының орынбасары болып қызмет атқарды.

2019 жылдың шілдесінен бастап Солтүстік Қазақстан облысы Есіл ауданының прокуроры лауазымын атқарған. Прокуратура органдарындағы жұмыс өтілі 14 жылдан астам. Үйленген, 2 баласы бар.