Петропавл тұрғындары бір тәулікке сусыз қалады
QZ News мәліметінше, «Қызылжар су» ЖШС-нің ақпараты бойынша, облыс орталығында бірінші көтергіш сорғы станциясында жоспарлы монтаждау жұмыстарының жүргізілуіне байланысты 25 ақпанда бір тәулікке ауызсу беру уақытша шектеледі.
Су шектеу уақыты:
Басталуы: 24 ақпан, сағат 22:00
Аяқталуы: 25 ақпан, сағат 22:00
Тұрғындарға арналған ұсыныстар:
- Ауызсудың қажетті қорын алдын ала дайындаңыз.
- Шектеу кезеңінде суды үнемді пайдаланыңыз.
- Ресми ақпарат көздеріндегі қосымша хабарландыруларды қадағалаңыз.
- Шектеу кезінде әлеуметтік нысандарға су жеткізу ұйымдастырылады.
Су шектеуі уақытша сипатқа ие. Барлық жұмыстар тұрғындарға барынша аз қолайсыздық тудыру үшін мүмкіндігінше қысқа мерзімде аяқталады. «Қызылжар су» ЖШС және монтаждау ұйымының мамандары ауызсу беруді қалыпты режимде қайта қалпына келтіру үшін барлық мүмкін шараларды қабылдайды. Су жүйесін толтырып, желідегі қысымды тұрақтандыру үшін біраз уақыт қажет болады, – деп хабарлады компания.