Петропавлда 12 эвакуациялық пункт ашылды

Петропавлда су тасқыны қаупі бар аудандардан адамдарды эвакуациялау жалғасуда. Қала тұрғындары жақын адамдарына орналаса алады, бірақ эвакуациялық пункттерде де уақытша тұру мүмкіндігі бар. Қазіргі уақытта олардың саны қала бойынша 12, деп хабарлайды QZ Мedia тілшісі.

Арнайы тұрғын жайларда медициналық персонал, психологтар жұмыс істейді, эвакуацияланған адамдар тамақ және сумен қамтамасыз етілген. Төсек-орын жеткілікті, қор бар.

Эвакопункттердің орналасуы:

№ 2 орта мектеп, Интернационал көшесі, 14
№ 4 орта мектеп, Назарбаев көшесі, 274
№ 27 орта мектеп, Панфилов көшесі, 256
№ 32 орта мектеп, Кошуков көшесі, 17
№ 40 орта мектеп, Петров көшесі, 44
№ 43 орта мектеп, Новая көшесі, 116
Сафуан Шаймерденов атындағы қалалық классикалық гимназия, Бөкетов көшесі, 35
Т/ж колледжі, Медведев көшесі, 1А
СҚ КПК, Студенттер көшесі, 1
Гуманитарлық-техникалық колледж, Театр көшесі, 42
Лорд мектебі, Қизатов көшесі, 5
ЖҚЭК, Назарбаев көшесі, 262

14 сәуір сағат 19:00-дегі жағдай бойынша, эвакуациялық пункттерге 388 петропавлдық орналасқан. Оның 39-ы – бала.