Петропавлда азаматтарды қабылдау орталығы ашылды

Мемлекет басшысының тапсырмасымен Петропавлда азаматтарды қабылдау орталығы ашылды. Ол мемлекеттік органдар мен тұрғындардың өзара іс-қимылының бірыңғай алаңына айналады, деп хабарлайды QZ News тілшісі.

Орталық облыс әкімдігінің жанында орналасқан бос ғимаратта жабдықталған. Ол Қазақстандағы қолданыстағы АҚО стандарттарына сәйкес жасалған.

«Су тасқыны кезінде тұрғын үй-коммуналдық шаруашылық саласында көптеген сұрақтар туындады. Орталықты Мемлекет басшысының тапсырмасымен құрдық. Өткен жылдың басында жоба жасап, 2024 жылы жүзеге асырдық. Барлық өтініштер бір жерде жинақталады», – деді Солтүстік Қазақстан облысының әкімі Ғауез Нұрмұхамбетов.

Мұндай орталықтар облыстың барлық аудандарында жұмыс істейді. Олардың орнында бұрын ашық әкімдіктер жұмыс істесе, енді олар Мемлекет басшысының тапсырмасындағы жаңа талаптарын ескере отырып жаңа форматта

«Бұл мемлекет пен азаматтар арасындағы бірыңғай диалог алаңы. Тұрғындар өтініш бере алатындай қолайлы жағдай жасалған. Орталық жедел жұмыс үшін құрылған, барлық процестер автоматтандырылған. Азаматтардың өтініштері талдау жасауға, стратегиялық шешімдер қабылдауға мүмкіндік береді, мұны бастапқы ақпаратсыз жүзеге асыру мүмкін емес, біз бұған дейін аналитикалық есептер түрінде алатынбыз, бұл көп уақытты алды. Тиімді жұмыс үшін цифрлық қызметтер көрсетіледі. Орталық облыс әкімі аппаратының әрбір өтінішін бақылауға мүмкіндік береді. Бұрын шенеуніктер азаматтарды өз кабинеттерінде қабылдайтын болса, енді бұл үшін бөлек орын қарастырылған», – деді Солтүстік Қазақстан облысы әкімі аппаратының басшысы Руслан Әлішев.

Азаматтарды қабылдау орталығы екі қабаттан тұрады, кеңістік әртүрлі аймақтарға бөлінген. Олар азаматтарды қабылдап, мүмкіндігі шектеулі жандармен жұмыс жасайды, кеңестер береді, өтініштерді талдайды. Сонымен қатар орталықта өзін-өзі оқыту аймағы бар.