Петропавлда өрт сөндірушілер сауда орнындағы өртті сөндірді

Петропавл қаласында өрт сөндірушілер Назарбаев көшесіндегі сауда павильондарының бірінде оттың таралуына жол бермеді, деп хабарлайды QZ News.

Өрт төбе жабындысынан шыққан, жалпы аумағы 25 шаршы метрді қамтыған. Алдын ала болжам бойынша, өрттің шығуына электр сымдарының қысқа тұйықталуы себеп болған. Оқиға орнына жедел жеткен өрт сөндірушілер дереу өртті сөндіруге кірісті. Зардап шеккендер жоқ.