Петропавлда “OFFROAD МАСЛЕНИЦА” атты экстремалдар жарысы өтті
17 наурыз күні облыс орталығында “OFFROAD МАСЛЕНИЦА” сайысының жүлдесі үшін жол талғамайтын көлік жүргізушілері арасында жарыс өтті, деп хабарлайды QZ Мedia тілшісі. Шараға 30-ға жуық әуесқой қатысты.
Жарысқа қарапайым және арнайы әзірленген жол талғамайтын көліктердің, квадроциклдер мен қарда жүретін көліктердің иелері қатысты. Жарыс ұйымдастырушысы Василий Вржец айтқандай, додаға солтүстікқазақстандық және Көкшетау қаласынан келген автокөлік жүргізушілері қатысты.
Мұндай жарыс облыс орталығында 10 жыл бойы өткізіліп келеді. Сайыс қатысушылары экстремалды жағдайда қыс мезгілімен қоштасуды және көктемді қарсы алуды ұнатады. Іс-шара демеушілердің қолдауымен өтті.
