Петропавлда шахматтан ардагерлер арасында облыстық турнир өтуде
Петропавлда шахматтан ардагерлер арасында облыстық турнир өтіп жатыр. Зияткерлік сайысқа аудандар мен облыс орталығынан барлығы 16 ардагер қатысуға ниет еткен, деп хабарлайды QZ News тілшісі.
Жарыс шахмат және дойбы клубында өтуде. Турнир ардагерлер арасындағы ең мықты шахматшыларды анықтау, сондай-ақ шахматты кеңінен насихаттау мақсатында ұйымдастырылып отыр.
«Бұл жарыста екі шахматшы облыстық ардагерлер кеңесінің жанынан құрылған «Бос уақыт» клубының атынан сынға түсіп жатыр. Біреуінің жасы 85-те. Қалалық ардагерлер кеңесінен, аудандардан шахман ойыншылары қатысуда. Спортшылар 4 топшаға бөлінді, әрқайсысы 6 ойыннан ойнайды», – дейді жарыстың бас төрешісі Александр Новичков.
Турнир жеңімпаздары гармоталарға ие болады. Сонымен қатар, ұйымдастырушылар барлық қатысушыларға шағын сыйлықтар дайындады.