Петропавлдағы «Дельфин» бассейні жаттығу өткізуге тапсырылды
Олимпиадалық резервінің мамандандырылған балалар-жасөспірімдер спорт мектебінде жөндеу жұмысы 2023 жылы басталып, бірер күн бұрын ғана аяқталды. Енді дүйсенбіден бастап мектепте жаттығу жұмыстары басталады.
Жұмыс қорытындысымен «AMANAT» партиясының Солтүстік Қазақстан облыстық филиалының партиялық бақылау комиссиясының мүшелері танысты.
Айта кету қажет, «AMANAT» партиясының Солтүстік Қазақстан облыстық филиалының партиялық бақылау комиссиясының мүшелері бұған дейін аталған нысанға бірнеше рет барып, жөндеу жұмыстарының барысын бақылады. Ол кезде жөндеу кезінде проблемалар туындаған болатын.
Комиссия мүшелері жүзу бассейніндегі жөндеу жұмыстарының қарқынын жеделдету үшін екі ауысымды жұмыс режимін енгізу мәселесін қарауды ұсынды. Соның нәтижесінде нысан толығымен аяқталды.