Петропавлдағы Жамбыл көшесі, 38 мекенжайында орналасқан тұрғын үйдің жай-күйін партиялықтар тексерді

Партиялықтар Петропавлдағы Жамбыл көшесі, 38 мекенжайындағы тұрғын үйдің жағдайымен танысты, деп хабарлайды QZ Мedia тілшісі.

Танысуға негіз бар. Бұған дейін бұл үйдің тұрғындары құрылыс кезінде жіберілген қателіктерді алға тартып, шағым білдірді: шатырдың нашарлығы, балкон есіктерінің сапасыздығы сынды бірнеше мәселе туындады.

Өткен жылдың желтоқсан айының соңында қала әкімі орынбасарының төрағалығымен кеңес өтті. Онда мердігер ұйымдар мен МИБ ақаулар мен бұзушылықтарды жою туралы шешім қабылданды.

Осыған байланысты ақауларды жою бойынша жол картасы әзірленді. Жол картасында кепілдік міндеттемелер шеңберінде мердігерлік ұйымдардың жұмыстары мен мерзімдері көрсетілген. Сондай-ақ, МИБ тарапынан жасалатын жұмыстардың кейбір түрлері жазылған. Үй партиялық бақылау комиссиясының қадағалауында болады.