Петропавлдық блогерлер қылмыстық бопсалау үшін 7 жылға бас бостандығынан айрылды

Солтүстік Қазақстан облысының мамандандырылған ауданаралық қылмыстық істер жөніндегі соты алқабилердің қатысуымен «Магнум» сауда желісінің басшылығынан ақша бопсалағаны үшін айыпталған екі қалалық блогердің ісін қарады, деп хабарлайды QZ News.

Естеріңізге сала кетейік, айыпталушылар Сергей Сайко мен Роберт Подласов, сауда саласында бұзушылықтар анықтау бойынша тексерулерді тоқтату және әлеуметтік желілерде жарияланған материалдарды тарату арқылы ТОО мүдделеріне айтарлықтай зиян келтіруді болдырмау үшін, оның директорының 200 000 теңге көлемінде ай сайынғы ақша төлеуін бопсалаған.

ЖШС директоры, қорқыту шындығына айналуы мүмкін деп қабылдап, айыпталушылардың талаптарымен келісіп, бес ай ішінде оларға 1 000 000 теңге көлемінде ақша аударған. Сол сияқты айыпталушылар ЖШС бас директорынан 50 000 000 теңге ақша бопсалаған. Ақша аударылған сәтте айыпталушылардың бірі ұсталған.

Прокурор айыпталушыларға 7 жыл бас бостандығынан айыру жазасын тағайындауды сұрады. Қорғау тарапы айыпталушыларды ақтауды немесе олардың әрекетін өз бетімен әрекет ету деп саралауды талап етті.

«Алқабилердің шешімімен ҚК 194-бабының 4-бөлігі 2-тармағына сәйкес жазалау шарасы 7 жылдан 15 жылға дейін бас бостандығынан айырумен және мүлікті тәркілеумен қарастырылған. Жеңілдететін жағдайларға сот айыпталушылардың бұған дейін сотталмағанын және Сайконың кәмелетке толмаған баласы бар екенін жатқызды. Алқабилердің қатысуымен сот Сайко мен Подласовқа 7 жыл бас бостандығынан айыру жазасын тағайындады. ЖШС-ның азаматтық шағымы қанағаттандырылды және сотталғандардан 1 000 000 теңге өндірілді. Сот үкімі заңды күшіне енген жоқ», – деп хабарлады сотта.