Петропавлдық «Қарлығаш» би ансамбілі Мәскеуде өткен халықаралық фестивальде үздік атанды

Петропавлдық қауым жергілікті «Қарлығаш» би ансамбілін салтанатты түрде қарсы алды. Жас бишілер Мәскеу қаласында  (РФ) өткен халықаралық фестивальде үздік атанды, деп хабарлайды QZ Media тілшісі.

Ансамбльдің жарты ғасырлық тарихы бар және бүгінге дейін өңіріміздің үздік би ұжымдарының бірі саналады.

Жеңімпаз ұжымды қарсы алу салтанатына Петропавл қаласының әкімі Серік Мұхамедиев те қатысты.

“Бұл ретте, көркемдік жетекші Галина Васильевнаның жұмысын атап өткен жөн. Оның жетекшілігінің арқасында балалар сүйікті ісімен айналысып, саяхаттап, қаламызды әлемге танытып, мәртебесін асырып жүр. Сондай-ақ, бишілердің әр бастамасын қолдап, демеу көрсететін ата-аналарға да үлкен рақмет! Бүгінгі іс-шараға  шақырту алып, ансамбль ұжымын жеңіспен құттықтау мәртебесіне ие болғаныма алғыс айтамын!”,- деп жазды әлеуметтік желіде шаһар басшысы.