Петропавлдық жас суретшінің туындылары аукционға қойылды

Бейнелеу өнері музейінде “Шекарасыз шығармашылық” акциясы өтті. Мұнда отбасылық үлгідегі балалар ауылының тәрбиеленушісі, жас суретші Ангелина Новолетова өз жұмыстарын көпшілікке ұсынды, туындылардың бір бөлігі аукционға қойылды, деп хабарлайды QZ Мedia тілшісі.

Жаңа жыл қарсаңында Ангелина бейнелеу өнеріне қажетті кәсіби щеткаларды, кенептерді, бояуларды және басқа да материалдарды алуға тілек білдірген. Көп ұзамай арманы орындалды, енді қала тұрғындары көз сүйсіндірер жұмыстарды тамашалай алады.

Игі акцияны “Атамекен” ҰКП филиалының іскер әйелдер кеңесі мен “AMANAT” партиясы өңірлік филиалының әйелдер қанаты ұйымдастырды.

“Ангелина өзінің картиналары арқылы ішкі әлемін көрсетеді. Сондықтан, оған көмектесу өте маңызды болды. Жас қылқалам шеберіне шығармашылық табыс тілейміз. Осындай азғандай ғана қолдауымыз оған күш пен өзіне деген сенімділік берсін”, – деп атап өтті ұйымдастырушылар.