Қозыбаев университетінде Зарқын Тайшыбай атындағы дәрісхана ашылды

Қозыбаев университетінде ҚР еңбек сіңірген қайраткері, профессор, филология ғылымдарының кандидаты Зарқын Тайшыбай атындағы дәрісхана ашылды, деп хабарлайды QZ Мedia тілшісі.

Зарқын Сыздықұлы Тайшыбай республиканың тарихы мен мәдениетіне қатысты 200-ден астам ғылыми мақала жазған. Ол 12 оқу құралының және 11 монографияның авторы, олардың көпшілігі СҚО тарихына арналған.

Қозыбаев университеті тарих, экономика және құқық факультетінің деканы Зәуре Қартованың айтуынша, Зарқын Тайшыбай қазақ журналистикасының дамуына зор үлес қосты. Профессордың шәкірттері және оның Бөкетов атындағы Қарағанды университетінде еңбек ететін әріптестері көрмені сыйға тартты және дәрісхана ашуға көмектескен.

“Отандық журналистика саласы көптеген жаңа журналистермен толықты, көбісі біздің ЖОО-да оқыды деп айтқым келеді. Біздің әріптесіміз ұзақ жылдар бойы мамандар даярлауды және еліміздің ғылым саласына зор үлес қосуды жалғастырады деп сенеміз”, – деп атап өтті Зәуре Қартова.