Қыс мезгілі басталғалы Петропавлдан 900 мың текше метрден астам қар шығарылды
Облыс орталығындағы жұмысшы кентінен қар шығару бойынша белсенді жұмыстар жалғасуда, деп хабарлайды QZ Мedia тілшісі.
Жұмыс су тасқынына қарсы іс-шаралар шеңберінде жүргізіледі. Қар түнде де, күндіз де шығарылады. Қалалық әкімдіктің ТҮКШ бөлімінде айтылғандай, қыс мезгілінің басынан бастап қаладан 910 мың текше метрден астам қар шығарылған.
Естеріңізге сала кетейік, еріктілер де жеке сектор тұрғындарына қар тазалау жұмысына көмектеседі. Көмек көп балалы, аз қамтылған отбасыларға және жалғыз басты зейнеткерлерге көрсетіледі.