Саяжайларда тұратын петропавлдықтар дереу арада қауіпсіз жерге көшуі тиіс

Петропавл тұрғындарына саяжай қауымдастықтарының аумағынан шұғыл түрде кету ұсынылады. Бұл туралы әкімдіктің баспасөз қызметі Instagram парақшасы арқылы хабарлады, деп жазады QZ Мedia тілшісі.

Қала полицейлері аумақты айналып өтіп, эвакуациямен айналысады. Саяжай қауымдастықтарына кіре берісте жол тосқауылдары пайда болады.

“Петропавлда барлығы 29 с/қ су басу қаупі бар. Олардың аумағында тұрақты негізде 2000-ға жуық адам тұрады. Қазір өзіңіздің қауіпсіздігіңіз үшін шаралар қабылдаңыз! Жануарлар туралы ұмытпаңыз!”, – делінген хабарламада.