Шапито циркінің Петропавлдағы кешінде көрермендер отырған трибуна құлады

Жаға ұстатарлық жағдай! Шапито циркінің Петропавлдағы кешінде көрермендер отырған орындықтар құлады. Қуанышымызға орай, ешкім зардап шекпеді, деп хабарлайды QZ Мedia тілшісі Tengrinews.kz. ИБ сілтеме жасап.

Қалаға гастрольдік сапармен келген мұздағы цирк 22 наурыздан бастап көрерменді қабылдауда. Алайда, бірінші күні төтенше жағдай орын алды. Шоу кезінде көрермендер отырған трибуна құлады.

Жағымсыз жайт жайлы видео әлеуметтік желілерде пайда болды. Оқиға орнына полиция, ТЖ департаментінің және жедел жәрдем қызметкерлері барды. Облыстық денсаулық сақтау басқармасының баспасөз қызметі қоңырау 16:57-де түскенін және шақыру орнына екі жедел жәрдем бригадасы барғанын хабарлады.

“Зардап шеккендер жоқ”, – деп хабарлады облыстық денсаулық сақтау басқармасы.

Облыстық ТЖ департаментінің баспасөз хатшысы Евгений Журавлев көрермендердің ешқайсысы зардап шекпегенін растады.

“Біздің қызметкерлер оқиға орнына барды және не болғанын көрді. Ешқандай әрекет жасалмады. Қираған құрылымды цирк иелерінің өздері қалпына келтірді. Олар өз аттракциондарының қауіпсіздігіне жауап береді. ТЖ үшін жауапкершілікке тартуға келетін болсақ, бұл біздің тарапымыздан жасалмайды. Бақытымызға орай, қаза тапқандар мен зардап шеккендер жоқ”, – деп қорытындылады Евгений Журавлев.

Өз кезегінде полиция көрермендерден ешқандай өтініш түспегенін атап өтті.