Солтүстік Қазақстан облысының мәдениет, тілдерді дамыту және архив ісі басқармасына жаңа басшы келді

Солтүстік Қазақстан облысында мәдениет, тілдерді дамыту және архив ісі басқармасының басшысы тағайындалды. Қызметке Ержан Құлымбетов келді, деп хабарлайды QZ Media тілшісі.

Ержан Құлымбетов – 39 жаста, Қызылорданың тумасы. Мәскеудегі Ресей театр өнері университетін актер мамандығы бойынша бітірген. 2008-2010 жылдары Миландағы музыкалық театрда шығармашылық алмасу студенті ретінде оқыды. Еңбек жолын 2005 жылы Байқоңыр қаласында концертмейстер болып бастаған. Алматыдағы Қазақ ұлттық өнер академиясында вокал кафедрасының оқытушысы, Астанадағы Оқушылар сарайының бас директоры, Байқоңыр қаласындағы балалар мен жасөспірімдер шығармашылығын дамыту орталығында оқытушы және бұдан бөлек те бірқатар жұмыс атқарды.

Осы жылдың мамыр айынан бастап осы тағайындауға дейін ол Петропавл қалалық мәдениет, тілдерді дамыту, дене шынықтыру және спорт бөлімі басшысының міндетін атқарушы болды. Айтпақшы, Досбол Әбдірисов «Болашақ» бағдарламасы бойынша шетелге оқуға кетті.