СҚО-да қар жауып, жел күшейеді

«Қазгидромет» РМК СҚОФ-да алдағы күндерге қатысты көңіл көншітпейтін болжам айтылды, деп хабарлайды QZ Media тілшісі.

Синоптиктердің болжауынша, 29 желтоқсанда Солтүстік Қазақстан облысында қар түріндегі қатты жауын-шашын күтіледі. Сондай-ақ, боран, көктайғақ пен екпіні 30 с/м-ға жететін жел соғуы мүмкін.

Петропавлда да 29 желтоқсанда қар түріндегі жауын-шашын күтіледі. 29-30 желтоқсанда қарлы боран мен көктайғақ әлекке салмақ. Оңтүстік-батыстан және батыстан соғатын желдің екпіні 15-20 с/м мен 30 с/м аралығында болады.