СҚО-да жанармай құю станциясының жанында тұрған жеңіл көлік отқа оранды

4 наурыз күні 14:56-да “101” телефонына Ауди-100 маркалы автокөлік отқа оранғаны туралы хабарлама келіп түсті, деп хабарлайды QZ Мedia тілшісі.

Төтенше жағдай Қызылжар ауданы Бескөл ауылына кіреберістегі жанармай құю станциясының жанында болды.

“Сағат 15:02-де № 13 өрт сөндіру бөлімінің өрт сөндіру тобы келді. Келген сәтте автокөліктің салоны толығымен жанып жатты”,- деп хабарлады СҚО ТЖ департаментінің баспасөз қызметі.

Өрт 15:04-те оқшауланып, 15:13-те жойылды. Себеп пен залал анықталуда, зардап шеккендер жоқ.