СҚО-да жыл соңына дейін 300 мың шаршы метр тұрғын үй пайдалануға беріледі

Биыл 300 мың шаршы метр тұрғын үйді пайдалануға беру жоспарлануда. Бүгінгі таңда “Жас Өркен”, “Береке”, “Қопай” және “Орталық” шағын аудандарында құрылыс жалғасуда, деп хабарлайды QZ Мedia тілшісі.

2023 жылы аймақтың ауқымды дамуы жалғасуда. Жергілікті билік жыл соңына дейін 24 көппәтерлі үйді пайдалануға беруді жоспарлап отыр. 5 мыңнан астам солтүстікқазақстандық өздерінің тұрғын үй жағдайын жақсарта алады. Келесі жылы 1941 пәтерлік тағы 26 үй салу жоспарлануда. Үш жыл ішінде шамамен 1 млн шаршы метр тұрғын үй салу жоспарлануда, деп толықтырды өңір басшысы Ғауез Нұрмұхамбетов депутаттармен кездесуде.

“Біздің алдымызда өңірдегі 8 416 км немесе елімізде 2 орын алатын жолдардың жағдайын жақсарту міндеті тұр. 2 жыл ішінде 2 мың шақырымнан астам жерде жөндеу жұмыстары жүргізілді. Жыл қорытындысында республикалық желі бойынша жақсы жолдардың үлесін – 85%, ал жергілікті желі бойынша – 72% жеткізу жоспарлануда”, – деді облыс әкімі Ғауез Нұрмұхамбетов депутаттар алдында.

Сондай-ақ, өңір басшысы халықты сумен қамтамасыз ету туралы да айтты. Халықтың өмір сүру сапасын сипаттайтын негізгі факторлардың бірі – елдімекендерді коммуналдық инфрақұрылыммен және сумен қамтамасыз ету болып табылады. Биыл бұл бағытта қаржыландыру 16 млрд теңгені құрады. Облыста халықтың 85% таза ауыз сумен қамтамасыз етілген.

“Орталықтандырылмаған ауылдарды таза ауыз сумен қамтамасыз ету шеңбері бар. 25 ауылға жаңа объектілер құрылысы арқылы, 149 ауылға  кешенді блок-модульдер орнату арқылы және 46 ауылға топтық су құбырларын салу және реконструкциялау жобалары есебінен су берілетін болады”, – деп қорытындылады Ғауез Нұрмұхамбетов.