СҚО Уәлиханов ауданында жоғалған тракторшы мен малшы табылды

21 күні 01:30 шамасында СҚО Уәлиханов ауданы Қайрат ауылының маңында СҚО ТЖД, полиция бөлімінің, жергілікті атқарушы органдардың және халықтың күшімен 48 жастағы тракторшы мен 55 жастағы малшы іздестірілді, деп хабарлайды QZ Media тілшісі.

Олар 20 ақпан күні 11:00-де МТЗ тракторымен жоғалған жылқыларды іздеуге шығып, қайтып оралмаған.

Іздеу жұмыстарына 26 адам және 10 бірлік техника қатысты.

“21 ақпан күні 08:28-де  жоғалған тракторшы мен малшыны СҚО ТЖД қызметкерлері – іздеу жұмыстарына қатысқан ТРЭКОЛ қар батпақты экипажы Сарағырт ауылының маңынан тапты. Медициналық көмек қажет болмады”,- деп хабарлады СҚО ТЖД қоғаммен байланыс тобы.