Жастар коммуналдық қызметкерлерге шай мен бауырсақ апарды

“Жастар Рухы” жастар қанатының өңірлік филиалы қалалық жастар ресурстық орталығының белсенділерімен бірлесіп, “Кел, шәй ішейік” акциясын өткізді. Іс-шара әртүрлі негізде қайырымдылық көмек көрсетуге бағытталған “Ізгілік аптасы” акциясы аясында ұйымдастырылды, деп хабарлайды QZ Мedia тілшісі.

Акция аясында жас белсенділер Петропавл көшелерін қардан тазартатын коммуналдық қызмет өкілдеріне ыстық шай мен бауырсақ апарды. Еріктілер осы адамдардың еңбегін бағалау және құрметтеу – әрбір қала тұрғынының міндеті деп санайды.

“Осындай іс-шараларды өткізе отырып, біз жастарды ерікті болуға, әрқашан көмек қолын созуға, шетте қалмауға және адамдарға түрлі қолдау көрсетуге шақырамыз”, – дейді “Жастар Рухы” облыстық филиалының төрағасы Біржан Құдайбергенов.