ЖРВИ эпидемиялық маусымы басталғалы СҚО-да 40 мыңға жуық адам ауырған

Облыстық санитариялық-эпидемиологиялық бақылау департаментінің мәліметінше, Солтүстік Қазақстан облысында ЖРВИ бойынша эпидемиологиялық жағдай аурушаңдықтың маусымдық өсуімен сипатталады. 2024-2025 эпидемия маусымының басынан бері жедел респираторлық вирустық инфекцияның 39 965 жағдайы тіркелді, деп хабарлайды QZ News тілшісі.

Аурудың ең көп саны 14 жасқа дейінгі балалар арасында байқалады – 26 828 жағдай. Өткен аптада облыста ЖРВИ-мен ауырған 3455 адам тіркелді. A H1N1-pdm09 тұмауының 12 жағдайы тіркелді.
ЖРВИ мен тұмаудың негізгі белгілері: жоғары температура, жалпы интоксикация, әлсіздік, тамақ ауруы, мұрынның бітелуі.

«ЖРВИ мен тұмаудың алғашқы белгілері пайда болған кезде өзін-өзі емдеуге болмайды, ауруды таратпау үшін медициналық көмекке жүгіну керек, үйге дәрігер шақыру керек, науқас баланы балабақшаға, мектепке жібермеу керек. Ұзақ мерзімді ауру жиі асқынуларды тудырады. Олардың ең көп таралғаны және қауіптісі пневмония», – делінген Солтүстік Қазақстан облысы бойынша СЭҚД хабарламасында.