Жұлдыз жорамал: 2024 жыл кімдерге табысты болады?

Жаңа жылға саусақпен санарлық күн қалды. Қазір барлығы өткенді қорытындылап, болашаққа жоспар жасайды. Шығыс күнтізбесі бойынша алдағы 2024 жыл – жасыл ағаш айдаһар жылы. Бұл – даналықтың, күш пен өркендеудің нық символы. Сонымен қатар, жыл кібісе жыл болады. Яғни ол бірқатар өзгерістерге алып келетін ерекше күшті тылсым энергиямен ерекшеленбек. Ал жұлдыз жорамал не дейді? Бұл сұраққа арнайы сіздер үшін QZ Media тілшісі жауап іздеді.

Тоқты. Тоқты белгісінде туғандар жаңа жылда көптеген жағымды оқиға мен өзгерісті бастан кешеді. Тоқтылар үшін 2024 жылға арналған кеңестер: өзіңізді дамытуға назар аударыңыз, сізде бұған жеткілікті күш, уақыт және мүмкіндіктер болады. Бір жерде қалмаңыз, қызығушылығыңызды үнемі өзгертіңіз. Әртүрлі адаммен сөйлесіңіз. Сүйікті адамыңызға сезіміңізді білдіріңіз, ол оған жылы жауап қайтарады.

Торпақ. Торпақ – кез келген тапсырманы орындауға қабілетті жұлдызнама иесі. Торпақтар биыл табандылық таныта отырып, барлық арманын орындай алады. Бұл белгінің иелері өз мақсатына жету жолындағы кедергілерді оңай жеңеді. Сіздің барлық жоспарларыңыз орындалады. Табысты жұмыс та алдыңыздан шығады.

Егіздер. Егіздер, позитивті күйіңізді сақтасаңыз, табысқа оңай жете аласыз. Өмірдің ең қиын кезеңдерінде де бұл белгінің өкілдері оптимизмге ұмтылады. Бұл позиция – өте дұрыс ұстаным. Сондықтан сіздің міндетіңіз – жыл бойына жақсы көңіл күйді сақтау.Жыл соңына қарай сәттілік сізге серік болады. 2024 жылды әдемі аяқтай аласыз. Егіздер – күйзелістен қорықпайтын, кез келген ситуацияда өзін ұстай алатын жұлдыз белгісі. Олар ешқашан жалғыз қалмайды.

Шаян. Шаяндар, өз бетіңізбен жұмыс істеу сізге сәттілік әкеледі. Күдік – бұл өмірді әлдеқайда қызықсыз ететін қасиеттер. Егер шаяндар осы сипаттағы қасиеттерден арыла алса, жеке өмірінде де, мансабында да нағыз жеңіс күтіп тұр. Өзіңіз жақсы білмейтін адамдарға аса сақтықпен қараңыз. Құпияларыңызды оларға айтпауға тырысыңыз. Алаяқтардан сақ болыңыз.

Арыстан. Жаңа жылда арыстандардың кез келген бастамада жолы болады. Алғашқы айларда сіз кез келген тапсырманы орындауға қабілетті екеніңізді сезінесіз. Өзіңіздің алғашқы жетістіктеріңізге таң қалмауыңыз керек. Себебі қалай еңбек етсеңіз, соған лайық жетістікке жетесіз.

Бикеш. Бикештер, жұмысқа көңіл бөліңіз. Жаңа жылда қызметіңізде бұрын-соңды болмаған сәттілік болады. Бикештер мансап сатысында көтеріледі. Бонустар, ынталандырулар мен сыйлықтар аласыз. Жанжал мен өсектен аулақ болыңыз. Кездесулер мен талқылауларға белсенді қатысыңыз. Өз қабілеттеріңізге сенімді болыңыз. Мақсатыңыздың барлығы дерлік орындалады.

Таразы. Таразыларда тәртіп пен табыс қатар жүреді. Таразылар – тосын шешімдер қабылдаудың шебері. Биыл сіздерге ескі мәселелеріңізді шешуге қолайлы жыл. Жеке өміріңізде ушыққан жағдайды реттеңіз. Жақын адамдармен тұрақты қарым-қатынас сізге қажетті тәжірибе алуға көмектеседі. Маңызды мәселелерді кейінге қалдырмауға тырысыңыз. Жылдың соңына қарай сіз шаршағаныңызды сезесіз.

Сарышаян. Сарышаяндар үшін жаңа жыл – жаңа талант ашып, өзін-өзі дамытуға қолайлы уақыт. 2024 жылы бұл белгінің иелері өзін жаңа қырынан көрсете алады. Өз шығармашылығыңызбен айналысыңыз. Бұл салада сіз міндетті түрде жетістікке жетесіз. Бәс тігуге немесе құмар ойын ойнауға тәуекел етпеңіз.

Мерген. Алдағы жылы жұлдыздар мергендердің мансабына емес, жеке бақытына көңіл бөлуге кеңес береді. Егер сіз қаржы жағынан қиналып жүрсеңіз де, сіз оларға назар аудармауыңыз керек. Махаббат пен отбасылық өмірдегі тағдыр сыйын бағалауға тырысыңыз. Мергендер өзін бір қалыпта ұстай алса, жеке өмірінде ғана емес, жұмысында да сәттілік серігі болады.

Тауешкі. Тауешкі қаржы және мансап тұрғысынан табысқа ие болады. Әмияныңызда қомақты қаржы болады, оны өз қалауыңызша жарата аласыз. Егер сіз ақшаңызды бизнеске немесе кіріс әкелетін активтерге салуды шешсеңіз, 2024 жылы көптеген жағымды жаңалық болуы мүмкін. Жылдың екінші жартысында өміріңіз одан әрі жақсара түседі. Болашақ туралы ұмытпаңыз. Сәттілік жылдың ортасында азаюы мүмкін. Бірақ ол уақытша екенін ұмытпаңыз.

Суқұйғыш. Суқұйғыштың өмірінде жағымды жаңалық молынан болады. Олар 2024 жылы нағыз бақытқа кенеледі. Өйткені суқұйғыштар көп шығын шығармай-ақ, бәрін ретке келтіре алады. Бұл белгінің иелері шығармашылықпен айналысып, жанжалдардан аулақ болғаны жөн. Жеке өміріңіздегі мәселелер шешімін табады. Туыстарыңыз және достарыңыз қаржы жағынан мәселелеріңізді шешуге көмектеседі. Шығармашылық мансапта өсудің жаңа деңгейін ашатын нақты табыс көзіне айналады.

Балықтар. Балықтар бұл жылы тәртіпке бағынып, парасаттылық танытып, жылды жақсы өткере алады. Әрбір шешімді әбден талдап қабылдаған дұрыс. Жылдың соңында атқарылған жұмыстар туралы есеп беруіңіз мүмкін. Сондықтан бұл шараға алдын ала дайындалыңыз. Қуанышыңызды бөлісе алатын достарыңыздан айырылмаңыз.